De dereita a esquerda, Paulino Martínez, Juan Viaño e Román Rodríguez (Foto: SERVIMAV-USC)

 

Trescentos delegados de 46 países danse cita esta semana, ata o sábado 27, na duodécima edición do Simposio Internacional de Xenética en Acuicultura que organiza o Grupo ACUIGEN da USC coa colaboración da Fundación CETMAR.
O encontro inaugurárano oficialmente na Facultade de Dereito o reitor da Universidade de Santiago, Juan Viaño Rey; o conselleiro de Educación e Ordenación Universitaria, Román Rodríguez; e o catedrático de Xenética do grupo ACUIGEN, Paulino Martínez Portela.

 

O desenvolvemento que a xenética experimentou nos últimos anos, xunto co abaratamento dalgúns dos procesos imprescindibles para a aplicación de marcadores e outras ferramentas, converteron esta disciplina nun piar fundamental para resolver algúns dos principais problemas que impiden o despegue definitivo da acuicultura. Así, a resistencia a enfermidades ou outras características de interese veranse favorecidas mediante a aplicación de programas de selección baseados en marcadores xenéticos, segundo lembran os promotores deste simposio.

 

Na actualidade, apenas un 20% do consumo de produtos da pesca na UE procede da acuicultura europea, que xera arredor de 70.000 postos de traballo directos. Malia tratarse dun sector en expansión a nivel mundial, o seu crecemento en Europa foi escaso dende o comezo da década pasada. Por este motivo, a Comisión Europea incluíu na reforma da Política Pesqueira Común unha serie de medidas estratéxicas co obxecto de incrementar a competencia e contribuír ao desenvolvemento deste sector.

 

O Simposio Internacional de Xenética en Acuicultura constitúe, neste senso, un acontecemento de gran transcendencia, que converte a USC no centro internacional desta disciplina durante unha semana con centos de especialistas que compartirán os resultados e as liñas de investigación máis novas nun sector estratéxico para Galicia e para España e nun contexto de expansión internacional.

 

Incremento da participación empresarial
Destaca tamén o incremento da participación empresarial no evento dado que aproximadamente un terzo das organizacións asistentes serán empresas, que poderán aproveitar a presenza dos expertos internacionais para establecer contactos e coñecer polo miúdo as oportunidades que os avances na xenética ofrecen ao desenvolvemento da produción acuícola. De feito, o simposio conta cun día especialmente dedicado á industria.

 

Será o mércores 24 cando terá lugar unha mesa redonda, de acceso libre, sobre transferencia de tecnoloxía na que o secretario xeral da Federación de Produtores Europeos de Acuicultura, Courtney Hough, debaterá sobre as prioridades da industria europea respecto da investigación en xenética neste sector.

O comité organizador do ISGA 2015 está presidido polo catedrático Paulino Martínez e formado por membros do grupo de investigación ACUIGEN do departamento de Xenética da Facultade de Veterinaria de Lugo e investigadores do INIA (Instituto Nacional de Investigación Agroalimentaria) en Madrid. O evento conta co apoio da Xunta de Galicia, a través da Consellaría do Medio Rural e do Mar, de Economía e Industria a través da Axencia Galega de Innovación e do IGAPE e da de Educación, así como do Ministerio de Agricultura, Alimentación e Medio Ambiente.

magrama.gob.es, Especies de acuicultura - Pesca -

Categoría: Socios Pladesemapesga

Marcas, OEPM. Oficina Española de Patentes y

Categoría: Socios Pladesemapesga

Mercabarna,

Categoría: Socios Pladesemapesga

  • Se declaran nuevas reservas naturales fluviales en Islas Baleares

    Se declaran nuevas reservas naturales fluviales en Islas Baleares El Consejo Nacional del Agua, en su sesión celebrada ayer en Madrid, ha informado favorablemente al Plan Hidrológico de las Islas Baleares. En dicho plan se incluye la declaración de nueve reservas naturales fluviales. Islas Baleares no contaba hasta ahora con ningún curso de[…]

avisoimpoortantepangasergasxunta ppdegaliciaLa Xunta de Galicia promociona y FINANCIA Panga Presuntamente Contaminado para los Hospitales Públicos de Galicia en clara competencia de los productos pesqueros de las cofradías y mercado gallego.

 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..