Os representantes desta plataforma expuxeron o texto aos membros da Comisión Informativa do Concello.

O Grove, 20 de xaneiro de 2016. A Comisión Informativa celebrada onte ás 20.00 horas atendeu a solicitude da Plataforma en Defensa da Ría para que a corporación local eleve a pleno a moción contra a lei de Acuicultura que a Xunta de Galicia está tramitando. Membros desa plataforma interviñeron na Comisión para expoñer os motivos que levan aos colectivos que representan a rexeitar esta proposta.

Na Sala de Xuntas estiveron presentes representantes da Confraría de Cambados, a Illa e O Grove, ademais de membros do Consello Regulador do Mexillón. Tal e como teñen feito noutros Concellos, solicitaron que o apoio sexa claro e se evite o debate partidario sobre este asunto. Deste xeito os dous partidos que presentaron a moción referida, BNG e Esquerda Unida, estiveron de acordo en que a mesma sexa presentada no pleno como unha moción da corporación local.

A moción, segundo o texto da plataforma, foi incorporada á orde do día do pleno que se celebrará o vindeiro luns, 25 de xaneiro ás 20.00 horas. Trátase do primeiro punto e a defensa do texto será realizada por un membro da plataforma. Posteriormente realizarase o debate para a súa aprobación.

Risco para a economía local

Os argumentos dos representantes da plataforma para rexeitar a proposta de lei susténtanse nas posibles consecuencias da mesma no sector económico máis importante do Grove. A aplicación desta norma podería supoñer un duro revés á pesca artesanal e suporía poñer en risco a un dos poucos sectores da economía que ten mantido os postos de traballo durante a crise. Trátase de conservar o propio e manter a boa imaxe dos produtos do mar galegos, onde a calidade debe estar por riba da cantidade.

Os representantes do sector pesqueiro e marisqueiro recoñecen que inda se poden facer melloras no actual sistema de explotación, especialmente no relativo ao coidado dos recursos e do medio ambiente, pero coinciden en que esta non é a vía. O plantexamento da lei (especialmente no artigo 31.1.) supón que se pon en man das grandes corporacións as posibilidades de explotación dos recursos o que deixa claro que se trata dunha proposta non adaptable as peculiaridades de Galicia.

Para máis información

JoseCacabelos - Alcaldía

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

avisoimpoortantepangasergasxunta ppdegaliciaLa Xunta de Galicia promociona y FINANCIA Panga Presuntamente Contaminado para los Hospitales Públicos de Galicia en clara competencia de los productos pesqueros de las cofradías y mercado gallego.

 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..