Paolo Ronza, no centro, cos directores da tese e o membros do tribunal, na Facultade de Veterinaria

A tese de doutoramento titulada ‘Patoxenia da     enteromixosis do rodaballo: interacción parasito-hospedador e resposta inmunitaria’, que vén de presentar o italiano Paolo Ronza na Facultade de Veterinaria do Campus Terra da USC, trata de responder a algúns dos principais interrogantes que existen sobre esta enfermidade e achega unhas conclusións que poden servir de base cara o deseño de métodos de prevención e control dunha enfermidade de orixe parasitaria que na actualidade se ten convertido nunha das patoloxías máis graves e con maior incidencia no rodaballo.

  

A investigación de doutoramento realizada polo veterinario napolitano Paolo Ronza baixo a dirección das profesores da USC Maribel Quiroga, Alberto Pose e Belén Gómez, é froito da colaboración dos grupos de investigación de Anatomía Patolóxica Veterinaria (Gapavet) e de Xenética para a Acuicultura e Conservación dos Recursos Biolóxicos (Acuigen) da Facultade de Veterinaria de Lugo. Este tese amplía así a relación de pescudas ecamiñadas ao estudo das enfermidades do rodaballo que constitúen unha ameaza para a súa produción, así como á implantación de programas de mellora xenética realizadas por estes investigadores da USC nos últimos 20 anos.

  

As conclusións recollidas nesta tese que vén de presentar Paolo Ronza e que opta á mención internacional, constitúen asemade un importante avance no coñecemento da enteromixosis do rodaballo e aportan novos datos sobre as estratexias empregadas polo parasito para invadir o hospedador e os mecanismos fisiopatolóxicos que provocan os signos clínicos e as lesións nos peixes parasitados.

  

O alcance desta investigación é se cabe maior na conxuntura actual, na que a acuicultura é a produción gandeira con maior proxección de futuro en España, constituíndo unha alternativa necesaria para satisfacer a demanda de peixe actual e representando un importante motor de desenvolvemento nas zonas costeiras.

  

Galicia é un dos líderes mundiais en acuicultura grazas ás súas condicións naturais. De feito, respecto da piscicultura mariña, Galicia é a Comunidade Autónoma líder na cría intensiva de rodaballo, cun 99% da produción nacional. O éxito do seu cultivo débese, en gran medida, ao profundo coñecemento científico e tecnolóxico que tivo lugar nestas últimas dúas décadas, para o que resultou primordial a estreita colaboración entre empresas, investigadores e administración. Esta conxuntura propicia que moitos grupos de investigación en Galicia desenvolvan liñas de traballo co obxectivo de dar respostas aos problemas derivados da domesticación desta especie e á optimización do seu ciclo de produción.

  

Tribunal de tese e cualificación
O catedrático da Universidade de Las Palmas de Gran Canaria Antonio Fernández presidiu o tribunal encargado de avaliar e cualificar a tese de doutoramento presentada por Paolo Ronza e que mereceu a máxima cualificación académica. Jorge Manuel Fernandes de Oliveira, catedrático da Nord University de Noruega; José Manuel Estévez García, profesor titular da Universidade de Vigo; Aurelia Saraiva, profesora da Universidade de Oporto, e a profesora da USC Sonia Vázquez Rodríguez, completan a composición do tribunal.

FAO, Valerio Crespi

Servicio de acuicultura de la FAO

Sede de la FAO Viale delle Terme di Caracalla 00153 Roma, Italia Teléfono: (+39) 06 57051

Roma

Categoría: Instituciones

teléfono: (+39) 06 57051

Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

logocabeceraredacuiculturadesdegalicia

 Buscador Grupo Pladesemapesga con tecnología de Google

En el motor de búsqueda te ayudamos a encontrar exactamente lo que buscas.

 AyTP Acción y Transparencia Publica..